Plz do abide to our Terms & Condition:

    • Do not paste URL Links directly in any content instead post them as Hyperlink inside a text.
       
    • To post a Link directly use instead Bookmark.
       
    • If we find anyone posting beyond the warning we will immediately terminate your account without any warning. 

நீ என்ன அவ்வளவு பெரிய அப்பாடக்கரா….சன் ஃபிலிம் ஓட்டியதற்காக அபராத விதிப்புக்கு ஆளான எம்எல்ஏ…!!!

நீ என்ன அவ்வளவு பெரிய அப்பாடக்கரா….சன் ஃபிலிம் ஓட்டியதற்காக அபராத விதிப்புக்கு ஆளான எம்எல்ஏ…!!!

புதிய மோட்டார் வாகன சட்டம் இந்தியாவின் சில மாவட்டங்கள் மற்றும் யூனியன் பிரதேசங்களில் கடந்த செப்டம்பர் ஒன்றாம் தேதி முதல் அமல்படுத்தப்பட்டுள்ளது. இந்த புதிய போக்குவரத்து சட்ட விதிகளின் படி, உயர்த்தப்பட்ட அபராத தொகை காரணமாக போக்குவரத்து போலீசார் பல்வேறு பிரச்சினைகளை சந்தித்து வருகின்றனார். சில சம்பவங்களில்உயர் அதிகாரிகள், அரசியல்வாதிகள் போக்குவரத்து விதிகளை மீறினாலும், போலீசார் அவர்கள் மீது வழக்கு பதிவு செய்து வருகின்றனர்.

இதே போன்ற வழக்கு பிஹாரில் நடைபெற்றுள்ளது. பட்னா போலீசார், வழக்கமான சோதனையில் ஈடுபட்டு இருந்த போது விதிகளை மீறிய சட்டமன்ற உறுப்பினர் ஒருவர் மீது வழக்கு பதிவு செய்துள்ளனர். இதுகுறித்த வீடியோ சமூகவலை தளங்களில் வைரலாகி வருகிறது.

இந்த வீடியோவில் பாட்னா போலீசார், கறுப்பு நிற டொயோட்டா பார்ச்சூனர் எஸ்யூவி ஒன்றை சோதனை செய்து கொண்டிருக்கின்றனர். இந்த சோதனையில் அவர்கள், அந்த டொயோட்டா பார்ச்சூனர் எஸ்யூவி சட்ட விதிகளை மீறி கருப்பு நிற டின்ட் விண்டோவில் பூசப்பட்டு இருந்தது கண்டுபிடிக்கப்பட்டது.

இந்த வீடியோவில், காரில் பயணம் செய்த எம்எல்ஏ பிரதீப் சிங், காரை நிறுத்திய போலீசாரிடம் எதற்காக தனது காரை நிறுத்தி அபராதம் விதிக்கிறீர்கள் என்று பேசுவது போன்று அமைந்துள்ளது. இந்த வீடியோவில், அந்த காரின் விண்டோவில் அதிகளவில் டின்ட் பூசப்பட்டுள்ளது தெளிவாக தெரிகிறது. மேலும் காரின் உள்ளே, எம்எல்ஏ-வின் பாதுகாப்பு நியமிக்கப்பட்டுள்ள போலீசார் இருப்பதும் தெரிகிறது.

இந்நிலையில், காரை நிறுத்திய போலீசார் கேமரா முன்பு, சட்ட விதிகளை மீறி கருப்பு நிற டின்ட் பூசியதற்காக 500 ரூபாய் அபராதம் விதித்தார். காரின் கோ-டிரைவர் சீட்டில் அமர்ந்திருந்த எம்எல்ஏ சீட் பெல்ட் அணிந்து பயணம் செய்து கொண்டிருந்தார். இந்த வாகனத்தின் மேற்புறத்தில் சைரன்கள் மற்றும் பிளாஷர்களும் பொருத்தப்பட்டு இருந்தது. இதுவும் சட்டப்படி சட்ட விரோதமானது.

இதுபோன்று சைரன்கள் இந்தியாவில் பிரதமர் உட்பட எந்த அரசியல்வாதியும் தங்கள் காரில் பொருத்தக் கூடாது என்ற விதி உள்ளது. இதுபோன்று சைரன் பொருத்தியிருந்த அரசியல்வாதிகளின் வாகனங்களுக்கு இதற்கு முன்பு அபராதம் விதிக்கப்பட்டுள்ளது குறிப்பிடத்தக்கது.

இந்நிலையில், இந்த முறை பட்னா போலீசார் சட்ட விரோதமாக சைரன் பொருத்தியதற்காக எந்த அபராதமும் விதிக்கவில்லை. இந்தியாவில், அவசர கால ஊர்திகளான, ஆம்புலன்ஸ் மற்றும் போலீஸ் அதிகாரிகளின் கார்கள் போன்றவற்றுக்கு மட்டுமே சைரன் மற்றும் பிளாஷர்களை பொருத்தி கொள்ளும் அனுமதி வழங்கப்பட்டுள்ளது.

காரின் விண்டோக்களில் டின்ட் பூசப்படுவது இந்தியாவில் பெரும்பாலும் செய்யப்படும் ஒரு விதிமுறை மீறலாகவே இருந்து வருகிறது. இதுகுறித்த விதிகள், மெட்ரோபொலிட்டன் நகரங்களான டெல்லி, பெங்களூர் மற்றும் மும்பை போன்ற பல நகரில் அமல்படுத்தப்பட்டுள்ள நிலையிலும், வெயிலில் இருந்து தங்களை பாதுகாத்துக்கொள்ள வாகன ஓட்டிகள் இந்த டின்ட்களை பூசி வருகின்றனர்.

இதில் தெரிந்து கொள்ள வேண்டிய ஒன்று என்னெவன்றால், மார்க்கெட்டில் இருந்து கார் வாங்கப்பட்ட பின்னர் இதுபோன்று டின்ட் பூசுவது இந்தியாவில் சட்டவிரோதமாக கருதப்படுகிறது. இது காரின் உள்ளே இருப்பது கிரிமினல்கள் இருக்கிறார்களா? என்று எளிதாக கண்டுபிடிக்கும் நோக்கிலேயே இந்த சட்ட விதி கொண்டு வரப்பட்டுள்ளது.

கூடுதலாக, இந்த விதிமுறை புதிய மோட்டார் வாகன சட்டத்தில் குறிப்பிடப்பட்டுள்ளதுடன், இந்த தவறை செய்யும் பொதுமக்களுக்கு விதிக்கப்படும் அபராத தொகையை விடஅரசு அதிகாரிகள் இந்த தவறை செய்தால், அவர்களுக்கு இரண்டு மடங்கு அதிகமாக அபராதம் விதிக்கப்பட வேண்டும் என்று தெரிவிக்கப்பட்டுள்ளது. இந்த விதிமுறை, பொதுமக்கள் போக்குவரத்து விதிகளை ஒழுக்கமாக கடைபிடிக்க வேண்டும் என்பதற்காகவே அமல்படுத்தப்பட்டுள்ளது.

Source: https://www.autonews360.com/tamil/news/cars/patna-mla-in-toyota-fortuner-fined-for-using-sun-film-on-suv/

Ratings

0/5 (0 votes)
0/5 (0 votes)