Plz do abide to our Terms & Condition:

    • Do not paste URL Links directly in any content instead post them as Hyperlink inside a text.
       
    • To post a Link directly use instead Bookmark.
       
    • If we find anyone posting beyond the warning we will immediately terminate your account without any warning. 

இந்தியாவில் ரூ.200 கோடி முதலீடு: ஒகினவா நிறுவனம் அறிவிப்பு!

இந்தியாவில் ரூ.200 கோடி முதலீடு: ஒகினவா நிறுவனம் அறிவிப்பு!

எலெக்ட்ரிக் ஸ்கூட்டர் உற்பத்தி திறனை அதிகரிக்கும் விதத்தில், ரூ.200 கோடியை ஒகினவா நிறுவனம் இந்தியாவில் முதலீடு செய்ய இருக்கிறது.

ஜப்பானை சேர்ந்த ஒகினவா நிறுவனம் இந்தியாவின் எலெக்ட்ரிக் ஸ்கூட்டர் மார்க்கெட்டில் முன்னணி நிறுவனங்களில் ஒன்றாக விளங்குகிறது. கடந்த 2015ம் ஆண்டு இந்திய மார்க்கெட்டில் நுழைந்த இந் நிறுவனம் இதுவரை ரூ.90 கோடியை முதலீடு செய்து இருக்கிறது. தற்போது ஆண்டுக்கு 1.80 லட்சம் எலெக்ட்ரிக் ஸ்கூட்டர்களை உற்பத்தி செய்யும் திறனை இந்த நிறுவனம் பெற்றிருக்கிறது. பிரெய்ஸ், ரிட்ஜ், ஐ-பிரெய்ஸ், ரிட்ஜ் பிளஸ், பிரெய்ஸ் புரோ ஆகிய 5 மாடல்களை ஒகினவா இந்தியாவில் விற்பனை செய்து வருகிறது.

200 கோடி முதலீடு

இந்த நிலையில், ராஜஸ்தான் மாநிலம் பிவாடியில் புதிய ஆலையை திறக்க முடிவு செய்துள்ளது. இதன்மூலமாக ஆண்டுக்கு 10 லட்சம் எலெக்ட்ரிக் ஸ்கூட்டர்களை உற்பத்தி செய்யும் திறனை பெறுவதற்கு திட்டமிட்டுள்ளது. இந்த ஆலைக்காக ரூ.200 கோடியை புதிதாக முதலீடு செய்யவும் திட்டமிட்டுள்ளது. புதிய முதலீடு திட்டத்தை தீவிரமாக செயல்படுத்த இருக்கும் ஒகினவா நிறுவனம் இந்தியாவில் 200 நகரங்களில் 350 டீலர்களை பெற்றிருக்கும் இந்நிறுவனம் வரும் 2020ம் ஆண்டில் டீலர்களின் எண்ணிக்கையை 450 ஆக உயர்த்த திட்டமிட்டுள்ளது

ஜிஸ்டி குறைப்பு

சமூகத்தின் நலத்தைக் கருத்தில் கொண்டு மத்திய அரசு மின்சார வாகனத்தை அறிமுகப்படுத்துவதில் மும்முரம் காட்டி வருகிறது. மேலும் அதனை ஊக்குவிக்கும் வகையில் ஜிஸ்டி வரியைக் குறைத்துள்ளது குறிப்பிடத்தக்கது. 18 சதவீதமாக இருந்த மின்சார வாகனத்திற்கான ஜிஸ்டி வரியை 5 சதவீதமாகக் குறைக்கப்பட்டுள்ளது. இதுபோல் எலெக்ட்ரிக் வாகனங்களுக்கு இன்னும் ஏராளமான சலுகைகளை மத்திய அரசு வழங்கி வருகிறது. சமீபத்தில் தாக்கல் செய்யப்பட்ட மத்திய பட்ஜெட்டிலும் கூட எலெக்ட்ரிக் வாகனங்களுக்கு மத்திய நிதி அமைச்சர் நிர்மலா சீதாராமன் ஏராளமான சலுகைகளை வாரி வழங்கியிருந்தார் என்பது குறிப்பிடத்தக்கது. இது குறித்துப் பேசிய நிதி ஆயோக்கின் துணைத் தலைவர் ராஜீவ் குமார் ‘”2030க்குள் இந்தியா முழுவதும் மின்சார வாகனங்கள் ஓட இப்போதிலிருந்தே நடவடிக்கைகள் எடுக்கப்பட்டு வருகிறது.

மேலும் அதற்கான உட்கட்டமைப்பு வசதிகளை உற்பத்தி நிறுவனங்களிடமே ஒப்படைக்கப்பட்டுள்ளது. 2025ஆம் மார்ச் 31க்கு பின்னர் 150 சிசிக்குக் குறைவான இருசக்கர வாகனங்கள் மின்சார மயமாக மாற்றப்படும் எனவும் தெரிவித்துள்ளார். தற்போது ஆட்டோ மொபைல் நிறுவனம் வர்த்தக ரீதியாக பின்னடைவைச் சந்தித்து வருகிறது. எதிர்காலத்தில் பெருவாரியான மக்கள் மின்சார வாகனங்களின் மீது ஆர்வம் காட்டினால் தற்போது பெட்ரோல், டிசல் வாகனங்களைத் தயாரிக்கும் நிறுவனங்கள் பெரு வீழ்ச்சியைச் சந்திக்கும். இதனால் பல லட்சம் பேர் வேலையிழக்க நேரிடும் எனவும் கூறப்படுகிறது.

Source: https://www.autonews360.com/tamil/news/bikes/okinawa-to-invest-rs-200-cr-to-set-up-new-plant/

Ratings

0/5 (0 votes)
0/5 (0 votes)